LUPHUT LAKAH FIHLIM RAWH

Luphut hi thil ho tak anga lang si hian enkawl anih loh chuan buaina tam tak min siam sak thei a, mi zinga hiah surh surh a awlin a mawi chiah bawk si lova, a enkawlna thenkhat kan han ṭarlante hmang hian luphut i nei anih chuan han enkawl ve teh, ṭangkaipuitute zinga mi i nih ve ngei kan duhsak tak zet che a ni.

• Vinegar thirfian 2-ah tui thirfian 6 pawlh la, chu chuan kar tin vawikhat, thla thum chhung i sam suk hmain hnawih thin ang che. Hei hian luphut a ti reh duh.
• Ser tui leh bawnghnute khar chawhpawlh i lu suk hmain i sam leh luvun velah hnawih ṭhin bawk ang che.
• Sunhlu tuiah hian Iron a tam em em a, hei hian sam a ti ṭhangduang duh a. Tichuan, sunhlu tuiah ser tui pawlh la, chu chu i luvunah uluk takin hnawih la, darkar chanve hnuah i su leh dawn nia.
• Artui pum 2 leh tui thirfiante 2 chawhpawlh la, chu chuan i sam huh laiah tat la, i luvun velah nuai nawk nawk bawk la, minute 10-15 vel chiah la, i su fai leh dawn nia, hei hian luphut leh sam tla a veng ṭha em em a ni.
• Artui pum 2, Ser tui, Coffee, Bawnghnute khar no chanve leh khawizu thirfiante khat chawhpawlh la, chu chu i sam leh luvun velah uluk takin hnawih ṭhin la, darkar chanve hnuah i su fai leh dawn nia, hei hi CONDITIONER ṭha lutuk a ni.